Ramadan Eid Mubarak 2018

Happy Ramadan Eid Mubarak Images, wallpapers, wishes, quotes, messages & status




Eid Milad un Nabi Ki Shari Haqiqat In Urdu

Eid Milad un Nabi ki shari haqiqat  Milad ke maini hen pedaish ka waqt aur Mawlid ke maini hen pedaish ki jagah. Darasal yeh zarf ka seegha he aur zarf zamani bhi hota he aur makani bhi yani kisi waqiye ke ronma hone ka zamana ya muqam yani zaman-e-wiladat ya muqam-e-wiladat. Milad un-Nabi ke maini hen “Nabi (SAW) ki wiladat-e-ba saadat ke ahwal beyaan karna”. Islam ne bohat se muqam par Milad ki fazilat beyan ki he.

Eid Milad un Nabi ki shari haqiqat

Hadees-e-Pak ki mustanad kitaab “Sun’ne tirmzy” me he “Milad un-nabi ka beyan” is baab ke tehat Amam Abu Esa tirmzy apni sanad ke saath Qes Bin Makhrma se riwayat krte hen ke inho ne kaha “Me aur Rasool (SAW) Amul Fil me peda howe. Aur Hazrat Usman ne Qubaas Bin Ashim se pucha ke umer me ap bare he ya Rasool (SAW)?

To inho ne kaha martabe me to yakeenan Rasool (SAW) mujhse bare hen. Lekin meri wiladat unse pehle hoi. Rasool (SAW) Aamul Feel me peda howe (sun’nan Tirmzy: 3619). Is Hadees me Rasool (SAW) ke zamana-e-Wiladat beyan karne ko “Milad un-Nabi”ka unwaan dia gya he.

Eid Milad un Nabi Ki Haqeeqat

Eid Milad un Nabi Ki Haqeeqat – Peer ka din bohat fazilat wala he Hazoor (SAW) ke bohat se kamalat ka zahoor isi din howa. Hazoor (SAW) iska roza rakha krte the. Jab apse iski waja daryaft ki gai to Ap (SAW) ne farmaya “is peer ke din meri wiladat hoi aur isi din meri naboowat ka zahoor howa aur isi din Nazool-e-Quran ka agaz howa”.

eid milad un nabi ki shari haqiqat

Hazrat Abdullah Bin Abbas (R.A) se riwayat he ke Hazoor (SAW) ki wiladat shareef peer ke din hoi aur Nabowat ka zahoor peer ke din howa aur Macca se Madina hijrat bhi isi din farmai aur Madina me dakhol peer ke din he farmaya aur Hijr-e-Aswad ko apne muqam pr peer ke din rakha.

Eid Milad un Nabi ki shari haqiqat me Hijr-e-Aswad ko apne muqam par rakhne ki tafseel ye heke jab Rasool (SAW) ki umer 25 saal th is wqt quresh ne Kabba shareef ki tamer-e-No ki. Jab Hijr-e-Aswad ko apne muqam pr rakhne ka waqt aya to quresh me sakht ikhtlaf peda hogya. Har qabeele ki khwahish thi ke Hijr-e-Aswad ko wo is muqam pr rakhe. Qareeb tha ke inme shaded qisam ki khoon rezi hojae.

Phir inme jo Ehle Raai the wo mushawrat ke lie Masjid-e-Haram shareef me jama hogae. Is waqt Abu Umya Bin Mugheera quresh me sabse umer raseeda tha. Isne ye mashwra dia kea b Masjid me jo sabse pehle dakhil ho to isse mashwra kia jae. Is raae par itfaq hogya. To sabse pehle Masjid me Hazoor (SAW) dakhil howe to quresh apko dekh kar kehne lage “Ye Amin hen, ham inke faisle par raazi hen”.

Phir sara waqiya inho ne Hazoor (SAW) ke samne rakh dia to Hazoor (SAW) ne farmaya,

Ek chadar lai jae,Ap (SAW) ke hokum ke mutabik chadar lai gai to hazoor (SAW) ne Hijr-e-Aswad ko utha kar is chadar par rakh dia aur irshad farmaya har qabeele ka admi chadar ka kinara pakre. Phir chadar uthai gai. Jab Hijr-e-Aswad ko rakhne ke muqam tak chadar buland hoi to Hazoor (SAW) ne apne haath Mubarak se Hijr-e-Aswad ko deewar-e-Kabba par rakh dia.

Leave a Reply

Your email address will not be published. Required fields are marked *

eidmiladun-nabi.com © 2018